११ महिनामा भित्रियो २१ खर्ब २० अर्ब रेमिट्यान्स
काठमाडौं : चालु आर्थिक वर्षको ११ महिनामा नेपालमा २१ खर्ब २० अर्ब ८० बराबरको रेमिट्यान्स भित्रिएको छ।
नेपाल राष्ट्र बैंकले सोमबार सार्वजनिक गरेको ११ महिनाको तथ्याङ्कमा आधारित ‘देशको वर्तमान आर्थिक तथा वित्तीय स्थिति प्रतिवेदन अनुसार’ समीक्षा अवधिमा विप्रेषण आप्रवाह ३८.२ प्रतिशतले वृद्धि भएर २१ खर्ब २० अर्ब ८० करोड पुगेको हो।
राष्ट्र बैंकका अनुसार चालु आवको जेठमा मात्रै दुई खर्ब तीन अर्ब ८९ करोड रकम रेमिट्यान्स भित्रिएको छ। जबकि गत आवको जेठमा भने विप्रेषण आप्रवाह एक खर्ब ७६ अर्ब ३२ करोड रहेको थियो
केन्द्रीय बैंकमा समीक्षा अवधिमा अमेरिकी डलरमा विप्रेषण आप्रवाह २९.६ प्रतिशतले वृद्धि भई १४ अर्ब ५९ करोड अमेरिकी डलर पुगेको छ। अघिल्लो वर्षमा भने यस्तो आप्रवाह १२.८ प्रतिशतले बढेको नेपाल राष्ट्र बैंकले जनाएको छ।
असार ३०, २०८३ मंगलबार ११:३२:२२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
