हुन्डाई नेपालद्वारा 'वर्ल्डकप टु वर्ल्डकप' अफर सार्वजनिक : ४ वर्षको वारेन्टी र ४ लाखसम्म नगद छुट

काठमाडौं : नेपालका लागि हुन्डाई गाडीको आधिकारिक विक्रेता लक्ष्मी इन्टरकन्टिनेन्टलले फिफा विश्वकप २०२६ सँग हुन्डाईको विश्वव्यापी साझेदारीको उत्सव मनाउँदै 'वर्ल्ड कप टु वर्ल्ड कप' अफर सार्वजनिक गरेको छ।

फिफा विश्वकप २०२६ को आधिकारिक साझेदारका रूपमा हुन्डाईले गतिशीलता, जोश र प्रगतिका माध्यमबाट मानिसहरूलाई जोड्ने आफ्नो विरासतलाई निरन्तरता दिँदै यो नयाँ योजना ल्याएको हो।  

नेपाली ग्राहकहरूलाई एक विश्वकपदेखि अर्को विश्वकपसम्म साथ दिने गरी विशेष स्वामित्व लाभहरू प्रदान गर्ने उद्देश्यले यो अभियान डिजाइन गरिएको कम्पनीले जनाएको छ। 

यस योजना अन्तर्गत ग्राहकहरूले निश्चित मोडलका हुन्डाई गाडीहरूको खरिदमा ४ लाख रुपैयाँसम्मको आकर्षक नगद छुट प्राप्त गर्न सक्नेछन्। साथै, ४४,४४४ रुपैयाँसम्मको विशेष वर्ल्ड कप बोनससमेत उपलब्ध गराइएको छ।  

यस्तै, गाडी खरिद गर्दा ग्राहकले १ वर्षको विस्तृत बीमा पाउनुका साथै सहज स्पट एक्सचेन्ज तथा मूल्याङ्कनको सुविधा पनि प्राप्त गर्नेछन्।  ग्राहकहरूलाई दीर्घकालीन मूल्य र पूर्ण ढुक्कता प्रदान गर्न हुन्डाईका सबै गाडीहरूमा ४ वर्षको गाडी वारेन्टी, ८ वर्षको हाई भोल्टेज ब्याट्री वारेन्टी र ६ वर्षको निःशुल्क सर्भिसिङ उपलब्ध गराइएको छ।  

ग्राहकको सन्तुष्टि र लाभदायक स्वामित्व अनुभवप्रति हुन्डाईको निरन्तर प्रतिबद्धतालाई यस अभियानले झल्काउने कम्पनीको विश्वास छ। नेपालमा बलियो देशव्यापी बिक्री तथा सेवा सञ्जाल रहेको हुन्डाईले आफ्ना सम्पूर्ण ग्राहकहरूलाई नजिकैको हुन्डाई शोरुममा गई यो सीमित अवधिको अफरको लाभ उठाउन अनुरोध गरेको छ।