यामाहा सेल्स एन्ड सर्भिस स्किल कन्टेस्टको क्षेत्रीय विजेता घोषणा

काठमाडौं : नेपालका लागि यामाहा मोटरसाइकलको आधिकारिक वितरक एमएडब्लू राइड्सले 'रिजनल सेल्स स्किल कन्टेस्ट २०८२/८३' का क्षेत्रीय विजेताहरूको घोषणा गरेको छ। 

यामाहा ट्रेनिङ एकेडेमीको संयोजनमा देशभरका डिलरहरूबाट उत्कृष्ट बिक्री तथा सेवा दक्षता भएका प्रतिभाहरू छनोट गरिएको कम्पनीले जनाएको छ।

अग्रपंक्तिमा कार्यरत जनशक्तिको सीप अभिवृद्धि र व्यावसायिक विकास गर्ने उद्देश्यले आयोजित यो प्रतियोगिता मेचीदेखि महाकालीसम्मका प्रमुख व्यापारिक केन्द्रहरूमा सञ्चालन गरिएको थियो। 

बिक्रीतर्फको क्षेत्रीय प्रतिस्पर्धा काठमाडौं, इटहरी, बर्दिबास, भरतपुर र नेपालगञ्जमा भएको थियो भने सेवातर्फको प्रतियोगिता काठमाडौं, बुटवल, बर्दिबास, इटहरी र नेपालगञ्जमा सम्पन्न भएको थियो।

सेल्स स्किल विधामा बी एण्ड बी अटो ट्रेडर्स विराटचोक का चूडामणि आचार्य प्रथम, भिएडब्लु इन्टरप्राइजेज पोखराका समुन्द्र पंगेनी द्वितीय र डी एण्ड डी अटोलिङ्क सीतापाइलाका अनिश महर्जन तृतीय भएका छन्।

सर्भिस स्किल विधामा मोटो क्राफ्ट गोंगबुका प्रवीण सान्डा प्रथम, ऋषिक अटोमोबाइल्स कुमारीपाटीका निरोज श्रेष्ठ द्वितीय र क्रेशभ कमर्सियल दमकका दिपन सरकार तृतीय हुन सफल भए।

सबै क्षेत्रीय विजेताहरूले भैरहवाको परासीस्थित यामाहा फ्याक्ट्री भ्रमण गर्ने अवसर पाउनेछन् भने सर्भिसतर्फका विजेताहरूले विश्वस्तरीय स्किल प्रतियोगितामा समेत सहभागिता जनाउन पाउनेछन्।