दश महिनामा ३१ अर्ब ३१ करोडका सवारीसाधन आयात
पर्सा : चालु आर्थिक वर्षको प्रथम १० महिनामा ३१ अर्ब ३१ करोड मूल्यबराबरका सवारीसाधन तथा तिनका पार्टपुर्जा आयात भएका छन्।
गत आर्थिक वर्षको सोही अवधिको तुलनामा चालु आवको यो अवधिमा नौ अर्ब ६५ करोडले आयात बढेको हो।
वीरगञ्ज भन्सार कार्यालयका सूचना अधिकारी उदयसिंह विष्टका अनुसार सवारीसाधन र पार्टपुर्जाको आयात बढेसँगै चालु आवको १० महिनामा २० अर्ब ५२ करोड राजस्व सङ्कलन भएको छ। गत आवको सोही अवधिमा १६ अर्ब ६४ करोड राजस्व सङ्कलन भएको थियो।
चालु आवको १० महिनामा एक अर्ब २५ करोड बराबरका सवारीसाधनको आयातबाट तीन अर्ब १७ करोड राजस्व सङ्कलन भएको छ। यसैगरी, सात अर्ब ३२ करोड बराबरका मूल्य पर्ने ५१ हजार ४२३ वटा ‘अन एसेम्बल्ड’ मोटरसाइकल आयातबाट सात अर्ब नौ अर्ब राजस्व असुली भएको छ।
जेठ १७, २०८३ आइतबार १३:३८:४५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
