लगातार तेस्रो दिन पनि बढ्यो सुनको मूल्य, चाँदी भने घट्यो
काठमाडौं : नेपाली बजारमा बुधबार सुनको मूल्य बढेको छ भने चाँदी घटेको छ।
यो सँगै लगातार तेस्रो दिन पनि सुनको मूल्य बढेको हो। यसदिन प्रतितोला ६ सय रूपैयाँ बढेको सुनको मूल्य मंगलबार प्रतितोला सात सय र सोमबार दुई हजार तीन सय रूपैयाँ बढेको थियो।
नेपाल सुनचाँदी व्यवसायी महासंघका अनुसार आज सुन प्रतितोला दुई लाख ७५ हजार ६ सय रूपैयाँमा किनबेच भइरहेको छ।
मंगलबार सुन प्रतितोला दुई लाख ७५ हजार रूपैयाँमा कारोबार भएको थियो।
यस्तै, बुधबार चाँदीको मूल्य भने प्रतितोला २० रूपैयाँ घटेको छ।
मंगलबार प्रतितोला तीन हजार ६ सय ७५ रूपैयाँमा कारोबार भएको चाँदी यसदिन तोलामा तीन हजार ६ सय ५५ रूपैयाँमा किनबेच भइरहेको छ।
कात्तिक १८, २०८३ बुधबार ११:२७:१३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
