प्रधानमन्त्री दैवी प्रकोप राहत उद्धार कोषमा एनआइसी एसिया बैंकले दियो २ करोड २१ लाख
काठमाडौं : रसुवा जिल्लाको भोटेकोसी नदीमा आएको भीषण बाढीबाट प्रभावितहरूको लागि उद्धार तथा राहत वितरणका लागि एनआईसी एसिया बैंक लिमिटेडले २ करोड २१ लाख नगद सहयोग गरेको छ।
बैंकका अध्यक्ष अशोक कुमार अग्रवाल र प्रमुख कार्यकारी अधिकृत सुजित कुमार शाक्यले संयुक्त रूपमा अर्थमन्त्री स्वर्णिम वाग्लेलाई सो रकम हस्तान्तरण गरेका हुन्। सो रकममध्ये २ करोड सार्वजनिक उत्तरदायित्व अन्तर्गत र २१ लाख कर्मचारीबाट संकलन भएको बैंकले जानकारी दिएको छ।
बुधवार बिहान भोटेकोसी नदीमा आकस्मिक रूपमा आएको बाढीका कारण रसुवा, नुवाकोट, धादिङ जिल्ला लगायतका क्षेत्रमा ठूलो मात्रामा भौतिक एवं मानवीय क्षति भएको छ।
भदौ ११, २०८३ बिहीबार २०:१६:४९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
