राम मन्दिरबाट चन्दा अनियमितता गरेको आरोपमा आठ जना पक्राउ

एजेन्सी : उत्तर प्रदेशको राम मन्दिरमा संकलित भेटी र बहुमूल्य वस्तु व्यवस्थापनमा संलग्न कर्मचारीहरूबाटै करिब दुई करोड डलर बराबरको आर्थिक अनियमितता गरेको आरोपमा आठ जनालाई पक्राउ परेका छन्।

बिहीबार जारी गरिएको सरकारी विज्ञप्तिमा भारतीय प्रहरीले मन्दिरका कर्मचारीहरूसहित आठ जनालाई पक्राउ गरेर चन्दा वितरणमा अनियमितता भएको आरोपमा बिहीबार आपराधिक मुद्दा दर्ता गरिएको जनाएको छ।

तीमध्ये अधिकांश नगद र भक्तहरूले दान गरेको सुन र चाँदीसहितका बहुमूल्य वस्तुहरू गणना वा व्यवस्थापन गर्नमा संलग्न रहेको मिडियाहरूले रिपोर्ट गरेका छन्। मिडिया रिपोर्टहरूले चोरीमा दुई करोड डलरभन्दा बढीको अपचलन भएको हुन सक्ने बताएका छन्।

पक्राउ परेका आठ जना माथि आपराधिक विश्वासघात, चोरी, आपराधिक षड्यन्त्र र भ्रष्टाचारको आरोप लगाइएको विज्ञप्तिमा उल्लेख गरिएको छ। उत्तर प्रदेशका मुख्यमन्त्री योगी आदित्यनाथले यस विषयलाई हेर्ने विशेष अनुसन्धान टोली गठन गरेको  र कुनै पनि दोषी व्यक्तिलाई नछोडिने प्रतिबद्धता गरेको विज्ञप्तिमा उद्धृत गरिएको छ।