ओप्पोको ‘रेनो १६’ सिरिज नेपालमा सार्वजनिक, यस्ता छन् विशेषता र मूल्य
काठमाडौं : स्मार्टफोन ब्रान्ड ओप्पोले नेपाली बजारमा आफ्नो नयाँ ‘रेनो १६’ सिरिज औपचारिक रूपमा सार्वजनिक गरेको छ।
प्रविधि र फेसनलाई जोड्दै आयोजित एक विशेष फेसन शोमार्फत कम्पनीले ‘ओप्पो रेनो १६ ५जी’ र ‘रेनो १६ एफ ५जी’ सार्वजनिक गरेको हो।
नेपालमा रेनो १६ ५जीको मूल्य १ लाख ९ हजार ९ सय ९९ रुपैयाँ र रेनो १६ एफ ५जीको मूल्य ८९ हजार ९ सय ९९ रुपैयाँ तोकिएको छ।
दुवै फोन ‘पप ह्वाइट’ र ‘ट्वाइलाइट भायोलेट’ रङमा उपलब्ध हुनेछन्।
प्रमुख विशेषताहरू:
रेनो १६ मा ६.३२ इन्च र रेनो १६ एफमा ६.५७ इन्चको डिस्प्ले छ। यसमा उद्योगकै पहिलो होलोभर्स थ्रीडी प्रविधियुक्त ‘थ्रीडी पप प्लानेट’ डिजाइन प्रयोग गरिएको छ।
दुवै मोडलमा १०० डिग्री वाइड-एंगलसहितको ५० मेगापिक्सेल सेल्फी क्यामेरा छ। पछाडि ओआईएस (OIS) र ३.५ गुणा अप्टिकल जुमसहितको ट्रिपल क्यामेरा सेटअप दिइएको छ।
रेनो १६ मा ६,७०० एमएएच र रेनो १६ एफमा ७,००० एमएएचको विशाल ब्याट्री छ। दुवैले ८० वाटको ‘सुपरभोक’ फास्ट चार्जिङ सपोर्ट गर्छन्।
स्न्यापड्रागन ७ जेन ४ प्रोसेसर र कलरओएस १६ मा चल्ने यो सिरिजमा विभिन्न एआई (AI) फिचरहरू छन्। साथै, पानी र धुलोबाट सुरक्षाका लागि फोनलाई आईपी६८, आईपी६९ र आईपी६९के रेटिङ दिइएको छ।
‘ओप्पो बबल’ र अफरहरू:
फोनसँगै ओप्पोले पछाडिको क्यामेराको स्क्रिन प्रिभ्यु र रिमोट सटरको काम गर्ने चुम्बकीय ग्याजेट ‘ओप्पो बबल’ पनि सार्वजनिक गरेको छ।
१५ हजार ९ सय ९९ रुपैयाँ मूल्य रहेको यो डिभाइस प्रोमोसन अवधिमा ९ हजार ९ सय ९९ रुपैयाँमै उपलब्ध हुनेछ।
कम्पनीका अनुसार पहिलो ५०० जना ग्राहकले फोन खरिद गर्दा ‘ओप्पो एयरबड्स ए३ प्रो’ निःशुल्क पाउनेछन्।
कार्यक्रममा पूर्व मिस नेपाल प्रियङ्का रानी जोशी, ग्याजेटबाइटकी प्रमुख प्रतिमा अधिकारी र मोटो भ्लगर सुरक्षा केसीले फोनका विशेषता र प्रयोगबारे प्रस्तुति दिएका थिए।
असोज १, २०८३ बिहीबार ११:२५:४१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
