एमालेका मनोनीत केन्द्रीय सदस्यले लिए शपथ
काठमाडौं : एमालेका मनोनीत केन्द्रीय सदस्यहरूले शुक्रबार पार्टी अध्यक्ष केपी शर्मा ओलीसमक्ष पद तथा गोपनीयताको शपथ लिएका छन्।
पार्टीको केन्द्रीय कार्यालय च्यासलमा आयोजित कार्यक्रममा ओलीले मनोनीत केन्द्रीय सदस्यहरूलाई शपथ गराएका हुन्। यही असोज ५ देखि ८ गतेसम्म भएको एमाले केन्द्रीय कमिटीको तेस्रो पूर्ण बैठक बैठकले केन्द्रीय कमिटीमा नयाँ सदस्यहरू मनोनीत गर्ने निर्णय गरेको थियो।
शपथग्रहण गर्ने मनोनीत केन्द्रीय सदस्यहरूमा काशीनाथ अधिकारी, देवराज घिमिरे, हरि रिजाल, पासाङ शेर्पा, नरेन्द्र भट्टराई, नन्दराम देवकोटा, धर्म गिरी, नारायण घर्ती, विद्यासुन्दर शाक्य, पाल्देन छोपाङ, विमला घिमिरे, डा शिवमाया तुम्बहाम्फे, जानुका सिंखडा, बिना बास्तोला, शान्तिलाल महत, विनोद पाण्डे, डा प्रेम दङ्गाल, पुष्पराज श्रेष्ठ, मोहम्मद इस्तियाक राई, कौशिला खत्री, सुरेन्द्र उदास, श्रीप्रसाद शर्मा, दीपक साउद, जय गोले तामाङ, धर्मराज निरौला, प्रदीप यादव, डा अब्दुल हुसेन अन्सारी, डिबी कार्की, भवानी खापुङ, बबि चाम्लिङ, विनोद पहाडी, रामप्रित राम र ध्रुव विष्ट रहेका छन्।
असोज १६, २०८३ शुक्रबार १९:३३:५९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
