प्रधानमन्त्री बालेन्द्रसँग सबैभन्दा बढी सुन, सोविता र गौरीकुमारीसँग हिरा
काठमाडौँ: सरकारले प्रधानमन्त्री र मन्त्रीहरूको सम्पत्ति विवरण सार्वजनिक गरेको छ। सार्वजनिक विवरण अनुसार मन्त्रीहरूको सम्पत्तिमा सुन, चाँदी र हीरा जस्ता बहुमूल्य धातुहरूको राम्रो उपस्थिति देखिएको छ।
विवरण अनुसार प्रधानमन्त्री बालेन्द्र शाहसँग सबैभन्दा बढी १९० तोला सुन रहेको छ, जसको स्रोत उनले पैतृक बताएका छन्। त्यस्तै, मन्त्री गौरीकुमारी यादवसँग १८० तोला सुन, २ किलो चाँदी र २ सेट हीरा रहेको देखिएको छ।
सार्वजनिक पद धारण गरेका व्यक्तिले पद बहाली गरेको ६० दिनभित्र आफ्नो र परिवारको नाममा रहेको सम्पत्ति विवरण बुझाउनुपर्ने कानुनी व्यवस्था छ। भ्रष्टाचार निवारण ऐन अनुसार सार्वजनिक गरिएको यो विवरणमा अधिकांशले गहनाको मुख्य स्रोत पैतृक सम्पत्ति र विवाह उपहारलाई जनाएका छन्।
केही मन्त्रीहरूको हकमा भने सुन र चाँदीको स्रोत खुलाइएको छैन। यो विवरणले सार्वजनिक पदमा रहेका व्यक्तिहरूको आर्थिक पारदर्शिता झल्काउने विश्वास गरिएको छ।
कसको गहना कति?
चैत २९, २०८२ आइतबार २२:३५:०९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
