अमेरिकी रक्षा बजेटमा वृद्धि, घरेलु कार्यक्रममा कटौती

एजेन्सी : अमेरिकी राष्ट्रपति डोनाल्ड ट्रम्पले २०२७ को बजेटमा रक्षा खर्च बढाएर १ ट्रिलियन ५०० बिलियन डलर बनाउन प्रस्ताव गरेका छन्। 

सुरक्षालाई केन्द्रमा राखेर ल्याइएको यो दशकमा सबैभन्दा ठूलो रक्षा खर्चको अनुरोध हो र यसले राष्ट्रपति ट्रम्पको प्राथमिकता अमेरिकी सैन्य लगानीमाथि केन्द्रित रहेको देखाउँछ। यो रक्षा खर्चमा करिब ४४ प्रतिशतको वृद्धि अपेक्षित छ। 

बजेट निर्देशक रस्सल भौग्टका अनुसार, “राष्ट्रपतिको प्राथमिक उद्देश्य राष्ट्रिय सुरक्षा संरचनामा पुनः लगानी गर्नु हो, ताकि हाम्रो देश खतरनाक विश्वमा सुरक्षित रहोस्।”

राष्ट्रपतिको वार्षिक बजेट प्रशासनको मूल्य प्राथमिकता देखाउने दस्ताबेज हो, तर यसले कानुनी शक्ति राख्दैन। यस वर्ष बजेट दस्ताबेजले राष्ट्रपति र काङ्ग्रेसबीच मार्गचित्रको काम गर्ने उद्देश्य राखेको छ। काङ्ग्रेसले आफ्नै बजेट र वार्षिक विनियोजन विधेयक तयार गर्ने क्रममा यसलाई मार्गदर्शनको रूपमा प्रयोग गर्न सक्छ।

इरान युद्धबारे राष्ट्रलाई सम्बोधन गर्नुअघि ट्रम्पले सैन्यलाई आफ्नो प्राथमिकता भएको सङ्केत दिएका थिए। उनले कार्यक्रममा भने, “हामी युद्धमा लडिरहेका छौं, हामी बालसङ्ग्रहालय र स्वास्थ्य सेवामा ध्यान दिन सक्दैनौं। यी सेवाहरू राज्य स्तरबाट सम्भव छन्, सङ्घीय स्तरबाट होइन।”