इनिशा विक हत्या प्रकरण: जिल्ला अदालत अगाडि दुवै पक्षको धर्ना र प्रदर्शन

सुर्खेत : इनिशा विक हत्या आरोपमा पक्राउ परेका चार जनाविरुद्ध सामूहिक बलात्कार र कर्तव्य ज्यान उद्योगमा अदालतमा अभियोग दर्ता भएपछि किशोरहरुका आफन्तहरु प्रदर्शनमा उत्रिएका छन्।

आइतबार सरकारी वकिल कार्यालयले अभियोजन दर्ता गरेसंगै न्यायलयले तथ्य र प्रमाणका आधारमा नभई हचुवाका आधारमा अभियोजन गरेको भन्दै आरोपित पक्षका आफन्तहरु आफन्तहरु पनि प्रदर्शनमा उत्रिएका हुन्।

बजारमा प्रदर्शन गरेपछि सुर्खेत जिल्ला अदालत अगाडि धर्नामा बसेका उनीहरुले सरकारी वकिलविरुद्ध राजाबाजीसमेत गरेका छन्।

निर्दोषलाई फसाउन खोजिएको भन्दै उनीहरुले सरकारी वकिलविरुद्ध बाराबाजी गरे। एक जनाले गल्ती गरे पनि साथिलाई सहयोग गर्न गएकै आधारमा फसाउन खोजिएको उनीहरुको आरोप छ।

आइतबार सरकारी वकिल कार्यालयले घटनामा संलग्न चार जना किशोरविरुद्ध सामुहिक बलात्कार र कर्तव्य ज्यान मुद्दामा कैद सजाय र जरिवाना माग गर्दै सुर्खेत जिल्ला अदालतमा अभियोग दायर गरेको थियो। 

सोमबारदेखि बाल इजलासमा सुनुवाई भईरहेको उक्त मुद्धामा दुबै पक्षले अदालत र सरकारी वकिल कार्यालयबाहिर धर्ना दिइरहेका छन्। सोमबार अभियुक्तहरुसंगको बयान सकिएको र मंगलबार थुनछेक बहस पछि अदालतको निर्णय आउने बताइएको छ।

२५ दिनदेखि इनिशाका आफन्त र अधिकारर्कीहरुले इनिशालाई न्याय माग्दै प्रदर्शन र धर्ना गरिरहेका छन् भने पक्राउ परेका तीन जनाका आफन्तहरुले निर्दोष बालकहरुलाई फसाउन खोजिएको भन्दै प्रदर्शन गरिरहेका छन्। 

दुवै पक्षको विरोधका कारण जिल्ला अदालत आसपासको क्षेत्र सुरक्षाकर्मीहरुको बाक्लो उपस्थिति छ।