छिमेकी देशहरूमा आक्रमण रोक्न हमासको इरानलाई आह्वान

एजेन्सी : प्यालेस्टिनी सशस्त्र समूह हमासले इरानलाई छिमेकी देशहरूलाई लक्षित गरी गरिएका आक्रमणहरू रोक्न आह्वान गरेको छ।

शनिबार एक विज्ञप्ति जारी गर्दै हमासले अन्तर्राष्ट्रिय नियम र कानुनअनुसार आफ्नो रक्षाका लागि जवाफी कारबाही गर्ने इरानको अधिकारलाई स्वीकार गर्दै हमासले छिमेकी राष्ट्रहरूलाई लक्षित नगर्न आग्रह गरेको हो।

गाजामा इजरायलसँग विगत दुई वर्षदेखि विनाशकारी युद्ध लडिरहेको हमासले वर्तमान युद्धलाई तुरुन्तै अन्त्य गर्नुपर्नेमा जोड दिएको छ।

यस समूहले पहिले युद्धको पहिलो दिन इरानका सर्वोच्च नेता अली खामेनीको हत्यालाई 'जघन्य अपराध' भनी निन्दा गरेको थियो भने प्यालेस्टिनी आन्दोलनलाई लामो समयदेखि समर्थन गरेको खुलेर स्वीकार गरेको थियो।

उच्च अमेरिकी र इजरायली आक्रमणको सामना गरे तापनि इरानले कम्तिमा १० वटा देशहरूमा क्षेप्यास्त्र र ड्रोन आक्रमण गरेर जवाफ दिएको छ।

कतारले राजधानी दोहामा विस्फोटको आवाज सुने पछि शनिबार दुईवटा क्षेप्यास्त्र रोकेको र अधिकारीहरूले केही क्षेत्र खाली गरेको बताएको छ।

खामेनीको हत्यापछि हेजबुल्लाह लडाइँमा प्रवेश गरेको थियो र त्यस बेलादेखि इजरायली आक्रमणले लेबनानमा करिब ८०० जनाको ज्यान लिएको देशको स्वास्थ्य मन्त्रालयले जनाएको छ।