ईश्वर पोखरेलसँग भिड्न ओलीको प्यानल तयार, को-को परे पदाधिकारीमा ?

काठमाडौं : एमालेको जारी ११औँ महाधिवेशनमा प्रतिस्पर्धाको लागि अध्यक्ष केपी शर्मा ओली पक्षले आफ्नो प्यानलका पदाधिकारी उम्मेदवारको सूचि सार्वजनिक गरेको छ। यस पटक नेता ईश्वर पोखरेल र अध्यक्ष ओली पक्षले प्यान खडा गरेर प्रतिस्पर्धा गर्दै छन्।

सार्वजनिक सूची अनुसार अध्यक्षमा ओली र महासचिवमा शंकर पोखरेललाई अघि सारिएको छ। समूहमा नयाँ र पुराना नेताहरुको संयोजन देखिएको छ। 

उपाध्यक्षमा विष्णुप्रसाद पौडेल, २. राम बहादुर थापा (बादल), पृथ्वी सुब्बा गुरुङ, रघुजी पन्त र गुरुप्रसाद बरालको नाम सार्वजनिक गरिएको छ। नेता प्रदीप ज्ञवालीले उपाध्यक्ष पदमा उठ्न अस्वीकार गरेपछि प्राथमिकतामा नपरेका पन्तलाई ओलीले आफ्नो प्यानलमा भित्र्याएका हुन्।

उपमहासचिवमा विष्णुप्रसाद रिमाल, रघुवीर महासेठ र लेखराज भट्टको नाम राखिएको छ। त्यस्तै, सचिवमा खगराज अधिकारी, छविलाल विश्वकर्मा, पद्मा कुमारी अर्याल, भानुभक्त ढकाल, महेश बस्नेत, यामलाल कँडेल, राजन भट्टराई, शेरधन राई र हिक्मत कुमार कार्कीले उम्मेदवारी दिएका छन्।

ओली पक्षले केन्द्रीय सदस्यहरूको नामसमेत टुंग्याएर मंगलबार नै हुने मतदानका लागि प्रतिनिधिहरूलाई यही प्यानलअनुसार मत हाल्न सर्कुलेसन सुरु गरेको छ।