रास्वपासँग एकिरण गर्दा विवेकशील साझाले नामदेखि चिन्हसम्म छाड्यो
काठमाडौं : राष्ट्रिय स्वतन्त्र पार्टी र विवेकशील साझा पार्टीबीच एकीकरणमा नेतृत्वदेखि चिन्हसम्म रास्वपाकै हुने भएको छ। घोषणा सभामा सार्वजनिक गरिएको सहमति पत्रमा उल्लेख भए अनुसार नाम राष्ट्रिय स्वतन्त्र पार्टी नै रहने, नेतृत्व रवि लामिछानेकै हुने, झन्डा रास्वपाकै हुने र चुनाव चिन्ह पनि रास्वपाकै घण्टी हुने उल्लेख छ।
विवेकशील साझाको चुनाव चिन्ह तराजु थियो। उसले अब सो चुनाव चिन्ह छाडेको छ। विवेकशील साझाले पनि झन्डामा निलो रंगकै प्रयोग गर्ने गरे पनि केही हल्का कलर थियो।
विवेकशील साझाबाट रास्वपामा आउने नेताहरूले केन्द्रीय सदस्यको मान्यता पाएका छन्। अन्य संरचनामा विवेकशील साझाबाट आएका नेताहरूलाई क्षमता र समावेशीताका आधारमा समायोजन गर्दै लैजाने उल्लेख छ।
मंसिर १४, २०८२ आइतबार १५:३९:४७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
