सङ्घसंस्थामा अनियमितताको गुनासो : काठमाडौं प्रशासनले थाल्यो छानबिन
काठमाडौं : जिल्ला प्रशासन कार्यालय, काठमाडौंमा दर्ता भएका सङ्घसंस्थाका पदाधिकारीहरूले आर्थिक तथा प्रशासनिक अनियमितता गरेको गुनासो बढेपछि छानबिन थालिएको छ।
काठमाडौंका सहायक प्रमुख जिल्ला अधिकारी एवं प्रवक्ता खिमराज भुसालले अनियमितताको गुनासो बढेपछि छानबिन थालिएको बताए।
उनका अनुसार हाल काठमाडौंमा दर्ता भएका केही सङ्घसंस्थामा विधान विपरीतका गतिविधि हुने गरेको, कार्यसमितिले मनोमानी ढङ्गबाट कार्य गरेको, आर्थिक अनियमितता हुने गरेकोलगायत विषयमा पटक पटक गुनासा आएका छन्। ती गुनासा तथा उजुरी सम्बोधन गर्न समिति बनाएरै छानबिन थालिएको छ।
प्रवक्ता भुसालले गुनासा सम्बन्धमा छानबिन गरी प्रतिवेदन पेस गर्न जिल्ला प्रशासन कार्यालयका प्रशासकीय अधिकृतको संयोजकत्वमा तीन सदस्यीय समिति गठन भएको र समितिले काम थालिसकेको जानकारी दिए।
मंसिर १४, २०८२ आइतबार ०८:०२:३० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
