एक थान रिभल्बरसहित एक जना पक्राउ
९ मिनेट अघि
काठमाडौं : प्रहरीले एक थान रिभल्बरसहित एक जनालाई पक्राउ गरी शनिबार सार्वजनिक गरेको छ।
पक्राउ पर्नेमा मकवानपुर मनहरी गाउँपालिका-५ घर भई हाल काठमाडौं महानगरपालिका-१३ सोल्टीमोड बस्ने ३० वर्षीय सन्तोष गुरुङ रहेका केन्द्रीय प्रहरी प्रवक्ता एवं प्रहरी नायब महानिरीक्षक अबिनारायण काफ्लेले जानकारी दिए।
उनका अनुसार प्रहरी वृत्त कालीमाटीबाट खटिएको प्रहरीले सन्तोषलाई उक्त रिभल्बरसहित फेला पारी पक्राउ गरेको हो। यस सम्बन्धमा आवश्यक अनुसन्धान भइरहेको प्रहरीले जनाएको छ।
मंसिर १३, २०८२ शनिबार १९:५५:५३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
