सञ्जय दत्तको पारिवारिक ‘दुर्लभ दृश्य’को चर्चा
एजेन्सी : बलिउडका दिग्गज अभिनेता सञ्जय दत्त हालै मुम्बईको बान्द्रा क्षेत्रमा आफ्ना सन्तानसहित देखिएका छन्। छोरा शहरान दत्त र छोरी इकरा दत्तसँग उनको यो सार्वजनिक उपस्थितिलाई निकै दुर्लभ मानिएको छ।
कतै घुम्न जाँदा देखिएको यो दृश्यले अहिले निकै चर्चा पाइरहेको छ। क्यामेरामा कैद भएका तस्बिरहरूमा सञ्जय पारिवारिक मुडमा देखिएका छन्।
प्रायः सेलिब्रेटीहरूले आफ्नो व्यक्तिगत जीवन र पारिवारिक क्षणहरूलाई गोपनीयतामा राख्ने गर्छन्। तर, लामो समयपछि सञ्जय दत्त छोराछोरीसँग खुलेर सार्वजनिक स्थानमा देखिएपछि उनीहरूबीचको सामीप्ययतालाई लिएर फ्यानहरूले प्रशंसा गरेका छन्।
विशेषगरी, शहरान र इकरा कति छिटो हुर्केका छन् र बुवासँगको उनीहरूको सामीप्ययता कस्तो छ भन्ने विषयमा धेरैले रोचक टिप्पणी गरिरहेका छन्। यो पारिवारिक र आत्मीय क्षणलाई अहिले निकै चासोका साथ हेरिएको छ ।
मंसिर १३, २०८२ शनिबार १८:२०:१० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
