सांग्रिला मोटर्सद्वारा ‘लीपमोटर’ र ‘सिट्रोन’ का लागि विशेष एक्सचेन्ज क्याम्प घोषणा

काठमाडौं : नेपालका लागि लीपमोटर, सिट्रोन र प्युजो लगायतका विश्वप्रसिद्ध ब्रान्डहरूको आधिकारिक वितरक सांग्रिला मोटर्स प्रालिले दुईवटा विशेष ‘एक्सचेन्ज क्याम्प’ को घोषणा गरेको छ।

कम्पनीले यही मङ्सिर १४ गतेदेखि २१ गतेसम्म नेपालभरका आफ्ना आधिकारिक शोरूमहरूमा लीपमोटर र सिट्रोन गाडीका लागि ‘एक्सचेन्ज विथ द बेस्ट’ क्याम्प आयोजना गर्न लागेको हो।

यो योजनाअन्तर्गत ग्राहकले आफ्ना पुराना सवारी साधन साटेर नयाँ गाडीमा अपग्रेड गर्दा आकर्षक लाभहरू प्राप्त गर्न सक्नेछन्।

लीपमोटरको एक्सचेन्ज क्याम्पमा सहभागी हुने ग्राहकले नगद छुट र आकर्षक एक्सचेन्ज बोनस प्राप्त गर्नेछन्। यसका साथै निःशुल्क सडक कर र दर्ताको सुविधा पनि उपलब्ध छ।

विशेष अफरका रूपमा कम्पनीले २.२ किलोवाटको ट्राभल चार्जरका साथै ७ किलोवाटको होम चार्जर र थप सहायक उपकरणहरू निःशुल्क प्रदान गर्ने जनाएको छ। कम्पनीले यसलाई ‘पर्फेक्ट १०/१० कार’ अनुभव गर्ने अवसरको रूपमा लिएको छ।

त्यस्तै, सिट्रोनको एक्सचेन्ज क्याम्पमा ग्राहकलाई उत्कृष्ट गाडीमा अपग्रेड गर्न प्रोत्साहित गरिएको छ। यस योजनामा आकर्षक एक्सचेन्ज बोनस, एमसीबी बक्ससहितको ३.३ किलोवाटको चार्जर निःशुल्क दिइनेछ। साथै, एक वर्षको ‘अटो प्लस’ बीमा तथा निःशुल्क सडक कर र दर्ताको सुविधा पनि समावेश गरिएको छ।

मङ्सिर १४ देखि २१ गतेसम्म एकैसाथ सञ्चालन हुने यी दुवै क्याम्पमा सहभागी भई सीमित समयका लागि ल्याइएका अफरहरूको लाभ लिन कम्पनीले ग्राहकहरूलाई अनुरोध गरेको छ।

सांग्रिला मोटर्सले लामो समयदेखि गुणस्तरीय सवारी साधन र बिक्रीपछिको भरपर्दो सेवामार्फत ग्राहकलाई सेवा प्रदान गर्दै आएको छ।