एमएडब्लू वृद्धिलाई डोंगफेंगको दुई प्रतिष्ठित अवार्ड, १४ महिनामै १२५० बढी ईभी बिक्री
काठमाडौं : एमएडब्लू वृद्धि मोटर्सले अन्तर्राष्ट्रिय स्तरका दुई प्रतिष्ठित अवार्ड प्राप्त गरेको छ।
‘इनर्जी, भिजन, फ्युचर’ थिममा सम्पन्न ‘२०२६ डोंगफेंग डिलर कन्फरेन्स’ मा कम्पनीले ‘२०२५ अवार्ड अफ एक्सलेन्ट ईभी सेल्स’ र ‘२०२५ अवार्ड अफ सर्भिस एक्सलेन्स’ प्राप्त गरेको हो।
नेपालमा विद्युतीय सवारी (ईभी) को प्रवर्द्धन, नेटवर्क विस्तार र उत्कृष्ट ग्राहक सेवाका कारण कम्पनीले यो सम्मान पाएको हो।
एमएडब्लू वृद्धिले १४ महिनाको छोटो अवधिमै १२५० भन्दा बढी ईभी बिक्री गर्न सफल भएको छ। यसमा नामी बक्स र हालै भित्रिएको नामी भिगो पनि रहेका छन्।
देशभर १२ वटा बिक्री केन्द्र र १० वटा सेवा केन्द्रमार्फत सेवा प्रदान गरिरहेको कम्पनीले २४/७ हेल्पलाइन, पिक-एण्ड-ड्रप र रोडसाइड असिस्टेन्स जस्ता सुविधामार्फत ९२ प्रतिशत ग्राहक सन्तुष्टि दर कायम गरेको छ।
एमएडब्लू ग्रुपका अध्यक्ष विष्णु कुमार अग्रवालले यो सम्मानले वातावरणमैत्री सवारीसाधनमार्फत इन्धन आयात घटाउन र स्वदेशी बिजुली खपत बढाउन थप हौसला मिलेको बताए।
उनले भने, ‘ग्राहकको सन्तुष्टि सधैँ हाम्रो प्राथमिकतामा रहनेछ र हामी राष्ट्रको विदेशी मुद्रा बचतमा योगदान पुर्याउन निरन्तर लागिपर्नेछौँ।’
मंसिर १३, २०८२ शनिबार १०:३८:१२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
