चुच्चे नक्सामा समेटिएको क्षेत्रको गणना गर्न अनेरास्ववियुको माग
अध्यक्ष सुदेश पराजुलीले विज्ञप्ति निकालेर चुच्चे नक्सामा समेटिएको दार्चुला जिल्लामा पर्ने महाकाली पारीका गाउँ कालापानी, लिम्पियाधुरा र लिपुलेक वरिपरिका क्षेत्रमा जनगणनामा गणना गर्न माग गरेका हुन्।
जनगणना गर्न भारतको बाटो भएर जानुपर्ने र यसका लागि पर्याप्त सुरक्षा चुनौती भएकाले सरकारले तत्काल दुई पक्षीय कूटनीतिक वार्तामार्फत समस्याको समाधान गरी जनगणना गर्न भारतीय बाटो भएर वा नेपालकै हवाई मार्ग प्रयोग गर्ने गरी नेपाली बस्ती र नेपाली नागरिकको सूचीकरण गर्न सुपरिवेक्षक पठाउन अनेरास्ववियुले माग गरेको हो।
राष्ट्रिय जनगणना आगामी कात्तिक २५ देखि मङ्सिर ९ सम्म हुँदैछ। केन्द्रीय तथ्याङ्क विभागले असोज १८ गतेसम्म घरपरिवार सूचीकरणको काम सकिएको जनाएको छ।
असोज २०, २०७८ बुधबार १७:२०:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
