ओलीको स्वास्थ्य परीक्षण हुँदै, त्रिवि शिक्षण अस्पतालमा भर्ना
काठमाडौं : एमालेका अध्यक्ष केपी शर्मा ओली त्रिभुवन विश्वविद्यालय अस्पताल (टिचिङ अस्पताल) भर्ना भएका छन्। उनको स्वास्थ्य परीक्षण गर्न प्रहरीले त्रिवि शिक्षण अस्पताल महाराजगञ्ज लगेको हो।
अस्पतालको आकस्मिक कक्षमा अध्यक्ष ओलीको स्वास्थ्य परीक्षण भइरहेको अस्पतालका प्रवक्ता डा. गोपाल सेढाईंले बताए।
“प्रहरीले अध्यक्ष ओलीलाई स्वास्थ्य परीक्षण गर्न भनेर अस्पताल ल्याएको छ”, उनले भने, “अहिले उहाँको रगत, एक्सरेलगायतका स्वास्थ्य परीक्षण भइरहेको छ। परीक्षणको रिपोर्ट आएपछि के गर्ने भन्ने थाहा हुन्छ।”
एमाले अध्यक्ष ओलीलाई आज बिहान भक्तपुरस्थित गुण्डुबाट पक्राउ गरेर भद्रकालीस्थित जिल्ला प्रहरी परिसर कार्यालयमा एकछिन राखेर स्वास्थ्य परीक्षण गर्न त्रिवि शिक्षण अस्पताल लगिएको प्रहरीले जनाएको छ।
चैत १४, २०८२ शनिबार १०:३०:३१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
