पदबहाली गर्दै कानुनमन्त्री गौतमले भनिन्- 'सुधार गर्नुपर्ने कानुनहरू तीव्र गतिमा अगाडि बढाउछौं'
काठमाडौं : कानुन, न्याय तथा संसदीय मामिलामन्त्री सोविता गौतमले पदबहाली गरेकी छन्। शुक्रबार नियुक्त मन्त्रीले शपथ ग्रहणपछि आफ्नो मन्त्रालयमा पदबहाली गरेकी हुन्।
पदबहाली पछि सञ्चारकर्मीहरूसँग कुरा गर्दै उनले मन्त्रालयबाट सुधार गर्नुपर्ने कानुनहरू तीव्र गतिमा अगाडि लैजाने बताइन्। उनले कानुन निर्माणमा आफ्नो मन्त्रालय छिटो भन्दा छिटो काम गर्न तत्पर रहेको बताइन्।
उनले भनिन्, "हाम्रो मन्त्रालयबाट सुधार गर्नुपर्ने कानुनहरू तीव्र गतिमा सुधारको बाटोमा लैजाने छौं। कानुन निर्माणमा मेरो मन्त्रालय छिटो भन्दा छिटो काम गर्न तत्पर छ। आज के काम गर्दैछौं भन्दा छलफल गर्न बाँकी नै छ। खाका तयार गरेर मात्रै यो कामहरू अगाडि बढ्ने छन्।"
चैत १३, २०८२ शुक्रबार १४:३५:१८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
