मनाङ-१ मा नेपाली कांग्रेसका टेक बहादुर गुरुङ विजयी
मनाङ : मनाङ जिल्लाको प्रतिनिधिसभा निर्वाचन क्षेत्र नम्बर १ बाट नेपाली कांग्रेसका उम्मेदवार टेक बहादुर गुरुङ निर्वाचित भएका छन्।
सार्वजनिक भएको अन्तिम मतपरिणाम अनुसार गुरुङले २ हजार ४१५ मत प्राप्त गर्दै शानदार जित हासिल गरेका हुन्।
उनले आफ्नी निकटतम प्रतिद्वन्द्वी नेपाली कम्युनिष्ट पार्टीकी उम्मेदवार यशोदा गुरुङ (सुवेदी) लाई भारी मतान्तरले पराजित गरेका हुन्।
दोस्रो स्थानमा रहेकी यशोदा गुरुङ (सुवेदी) ले जम्मा ४५४ मत मात्र प्राप्त गरिन्। विजयी टेक बहादुर गुरुङले यशोदालाई १ हजार ९६१ मतको फराकिलो अन्तरले पछि पार्दै प्रतिनिधिसभा सदस्यमा आफ्नो सिट सुरक्षित गरेका हुन्।
त्यसैगरी, यस क्षेत्रमा मंगोल नेशनल अर्गनाइजेसनका तर्फबाट उम्मेदवार बनेका राम बहादुर घलेले जम्मा ९ मत मात्र प्राप्त गरेका छन्।
फागुन २२, २०८२ शुक्रबार १९:०८:२० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
