कैलालीका दुई क्षेत्रमा नेकपा, एक/एक क्षेत्रमा कांग्रेस र रास्वपाको अग्रता
धनगढी : प्रतिनिधिसभा सदस्यको जारी मतगणनाका क्रममा कैलाली निर्वाचन क्षेत्र नम्बर १ मा नेपाली कांग्रेसका जनकराज चौधरीले ७१७ मत प्राप्त गरी अग्रता कायम राखेका छन्।
सम्बन्धित निर्वाचन अधिकृतको कार्यालयका अनुसार उनलाई राष्ट्रिय स्वतन्त्र पार्टीका कोमल ज्ञवालीले ६६२ मत प्राप्त गरी पछ्याइरहेका छन्। यस्तै स्वतन्त्र उम्मेदवार फागुराम चौधरी ६४६ मत प्राप्त गरेका छन्।
कैलाली क्षेत्र नम्बर २ मा नेपाली कम्युनिष्ट पार्टीका नन्दबहादुर साउदले ४४१ मत प्राप्त गरेर कांग्रेसका उम्मेदवार विजयबहादुर स्वाँरलाई उछिनेका छन्। स्वाँरले ४०७ मत पाएका छन्। रास्वपाका केपी खनालले ३१६ मत पाएका छन्।
कैलाली निर्वाचन क्षेत्र नम्बर ५ को पछिल्लो मत गणनाको परिणामअनुसार रास्वपाका आनन्दबहादुर चन्दले तीन हजार ९४४ मत पाएका छन्। नेपाली कांग्रेसका नरनारायण शाहले एक हजार ४७५ मत र एमालेका यज्ञराज ढुङ्गानाले ८४६ मत प्राप्त गरेका छन्।
कैलाली क्षेत्र नम्बर ३ मा नेपाली कम्युनिष्ट पार्टीका वीरमान चौधरीले ६०४ मत प्राप्त गरी अग्रता बनाएका छन्। उनलाई रास्वपाका जगतप्रशाद जोशीले २७५ मत प्राप्त गरी पछ्याइरहेका छन्। नागरिक उन्मुक्ति पार्टी, नेपालका विक्रम चौधरीले २५२ मत प्राप्त गरेका छन्।
फागुन २२, २०८२ शुक्रबार १५:४२:५५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
