काठमाडौंका यी स्थानमा हुँदैछ मतगणना
काठमाडौं : प्रतिनिधिसभा सदस्यको निर्वाचन बिहीबार सम्पन्न भएसँगै मतगणना तयारी भइरहेको छ। काठमाडौंको क्षेत्र नम्बर १ को मतगणना सहकारी विभागमा हुँदैछ।
त्यसैगरी क्षेत्र नम्बर २ को कागेश्वरी मनोहरा नगरपालिकाको कार्यालय, क्षेत्र नम्बर ३ को चामुन्डा माध्यामिक विद्यालय नारायणटार, क्षेत्र नम्बर ४ को बूढानीलकण्ठ नगरपालिकाको कार्यालय र क्षेत्र नम्बर को २ को ज्येष्ठ नागरिक कार्यालयमा गणना हुँदैछ।
क्षेत्र नम्बर ५ को श्री समाज भवन टोखा नगरपालिका-५ को भवनमा र क्षेत्र नम्बर ६ को तार्केश्वर नगरपालिका, धर्मस्थलीमा मतगणना हुने निर्वाचन आयोगले जनाएको छ।
क्षेत्र नम्बर ७ को जुडो हल नयाँबजार, क्षेत्र नं ८ को जनउद्धार मावि हरिसिद्धी, काठमाडौं, क्षेत्र नम्बर ९ को चन्द्रगिरि नगरपालिका, बलम्बु र क्षेत्र नम्बर १० को त्रिभुवन विश्वविद्यालय स्मृति भवन कीर्तिपुरमा मतगणना हुँदैछ।
फागुन २१, २०८२ बिहीबार १९:०६:५९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
