१३ लाखका मोबाइल, ल्यापटपसहित विमानस्थलबाट एक जना पक्राउ
काठमाडौं : त्रिभुवन अन्तरराष्ट्रिय विमानस्थलबाट १३ लाख ८० हजारका मोबाइल, ल्यापटपसहित एक जना पक्राउ परेका छन्।
पक्राउ पर्नेमा सर्लाही लालबन्दी नगरपालिका-१ बस्ने ३४ वर्षीय सञ्जीव खड्का रहेका त्रिभुवन अन्तरराष्ट्रिय विमानस्थल सुरक्षा कार्यालयका प्रवक्ता एवं प्रहरी उपरीक्षक राजकुमार सिलवालले जानकारी दिए।
उनले भने, “त्रिभुवन अन्तरराष्ट्रिय विमानस्थलको गोल्डेन गेट बाहिरपट्टि शङ्कास्पद रूपमा हिँडिरहेको अवस्थामा निगरानी गर्दै जाँदा निजले बाह्य मुलुकबाट नेपाल आगमन भएका यात्रुहरूलाई भन्सार छली गर्न लगाई विद्युतीय सामग्री अवैध रूपमा सङ्कलन गरी लैजान लागेको अवस्थामा पक्राउ गरिएको हो।”
आइफोन १७ प्रोम्याक्स २५६ जिबीका चार थानका आठ लाख बराबर, एमफोर म्याकबुक ऐर २५६ जिबीका दुई लाख ६० हजार बराबर र एमफोर म्याकबुक ऐर ५१२ जिबीकातीन लाख २० हजार बराबरका विद्युतीय सामग्री अवैध रूपमा सङ्कलन गरी लैजान लागेको अवस्थामा पक्राउ गरिएको हाे।
फागुन ८, २०८२ शुक्रबार १८:१९:०३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
