सोमबार २८ पुस, २०८२
एनसेलले ल्यायो ‘युवा सिम’ : २९९ रुपैयाँमा अनलिमिटेड कल र ५ जीबी डेटा
१ घण्टा अघि
काठमाडौं : एनसेलले जेन-जी पुस्तालाई लक्षित गर्दै नयाँ स्टार्टर प्याक ‘युवा सिम’ सञ्चालनमा ल्याएको छ।
शनिबारदेखि सुरु भएको यो सिमको मूल्य करसहित २९९ रुपैयाँ तोकिएको छ।
यस प्याकमा २८ दिनको समयावधिका लागि अनलिमिटेड अन-नेट (एनसेल-टु-एनसेल) कल र ५ जीबी डेटा उपलब्ध छ।
साथै, डिजिटल वालेटहरू (इसेवा, खल्ती) र अनलाइन लर्निङ प्लेटफर्म ‘मेरो स्कुल’ प्रयोग गर्दा निःशुल्क डेटाको सुविधा छ।
यसबाहेक, प्रयोगकर्ताले १९ रुपैयाँमा २४ घण्टाका लागि १ जीबी सोसल मिडिया डेटा प्याक लिन सक्नेछन्।
यो सिमबाट अन्य नेटवर्कमा कल गर्दा प्रतिमिनेट १ रुपैयाँ र प्याकको डेटा सकिएपछि पे-एज-यू-गो अन्तर्गत प्रतिएमबी ५० पैसा शुल्क लाग्ने कम्पनीले जनाएको छ।
यो सिम लिनका लागि नागरिकता वा सवारी चालक अनुमतिपत्रका साथै विद्यार्थी परिचयपत्र पेश गर्नुपर्नेछ।
आफ्नो परिचयपत्र नभएको खण्डमा अभिभावकको परिचयपत्र र आफ्नो विद्यार्थी परिचयपत्र बुझाएर पनि सिम लिन सकिने एनसेलले जनाएको छ।
पुष २८, २०८२ सोमबार ११:२६:३० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
