तोलामा १४ सयले बढ्यो सुन, १९० रुपैयाँले चाँदी महंगियो
काठमाडौं : साताको दोस्रो दिन सोमबार नेपाली बजारमा सुन र चाँदी दुवैको मूल्य उकालो लागेको छ।
नेपाल सुनचाँदी व्यवसायी महासंघका अनुसार आज सुनको मूल्य तोलामा १ हजार ४०० रुपैयाँले बढेको छ।
यो वृद्धिसँगै छापावाल सुनको मूल्य प्रतितोला २ लाख ५३ हजार ६ सय रुपैयाँ पुगेको छ। यसअघि आइतबार सुनको मूल्य प्रतितोला २ लाख ५२ हजार २ सय रुपैयाँ कायम थियो।
यस्तै, आज चाँदीको मूल्यमा पनि भारी वृद्धि देखिएको छ। महासंघका अनुसार चाँदी तोलामा १९० रुपैयाँले बढेर ३ हजार ५३५ रुपैयाँमा कारोबार भइरहेको छ।
आइतबार चाँदी प्रतितोला ३ हजार ३४५ रुपैयाँमा खरिदबिक्री भएको थियो।
मंसिर १५, २०८२ सोमबार ११:०१:२९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
