सप्तकोशी सिमेन्टको आइपीओ आउँदै, बिक्री प्रबन्धकमा सिद्धार्थ क्यापिटल नियुक्त
काठमाडौं : ‘पूर्वको गौरव’को रूपमा परिचित सप्तकोशी सिमेन्ट लिमिटेडले सर्वसाधारणका लागि प्राथमिक शेयर (आइपीओ) निष्कासन गर्ने भएको छ।
यसका लागि कम्पनीले सिद्धार्थ क्यापिटल लिमिटेडलाई निष्कासन तथा बिक्री प्रबन्धक नियुक्त गरेको छ।
सम्झौतापत्रमा सप्तकोशी सिमेन्टका अध्यक्ष मोना जालान र सिद्धार्थ क्यापिटलका प्रमुख कार्यकारी अधिकृत सन्दिप कार्कीले हस्ताक्षर गरे।
सम्झौताअनुसार कम्पनीले १०० रुपैयाँ अंकित दरमा आफ्नो चुक्ता पुँजीको २० प्रतिशत शेयर सर्वसाधारणमा जारी गर्नेछ।
दैनिक ६०० टन उत्पादन क्षमता रहेको सप्तकोशी सिमेन्टले पीपीसी तथा ४३ र ५३ ग्रेडको ओपीसी सिमेन्ट उत्पादन गर्दै आएको छ।
पूर्वी नेपालमा करिब २० प्रतिशत बजार हिस्सा ओगटेको यो कम्पनी सन् २०१९ देखि निरन्तर नाफामा छ। कम्पनीले आर्थिक वर्ष २०८१/८२ को नाफाबाट १२ प्रतिशत बोनस शेयर समेत जारी गरेको छ।
आइपीओबाट संकलन हुने पुँजी नयाँ क्लिङ्कर प्लान्ट स्थापना गर्न र हाल सञ्चालनमा रहेको प्लान्टको क्षमता विस्तार गर्न खर्च गरिने कम्पनीले जनाएको छ।
मंसिर १३, २०८२ शनिबार १०:५५:३१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
