एनपिएलको कुर्सीमा खुट्टा राख्दा ट्रोलमा परेकी अभिनेत्री करिष्माले मागिन् माफी

एनपिएलको कुर्सीमा खुट्टा राख्दा ट्रोलमा परेकी अभिनेत्री करिष्माले मागिन् माफी

काठमाडौँ : नेपाल प्रिमियर लिग (एनपीएल) को खेल हेर्न टीयू क्रिकेट मैदानमा जाँदा कुर्सीमाथि खुट्टा राखेको तस्बिर सार्वजनिक भएपछि अभिनेत्री करिश्मा श्रेष्ठ आलोचनाको केन्द्रमा परिन्। उनले आफ्नो इन्टाग्राममा खेल हेर्नेक्रममा अगाडि रहेको कुर्सीमा खुट्टा राखेको तस्बिर राखेकी थिइन्।

सरकारले बल्ल बल्ल प्यारापिट बनाएको तर अभिनेत्री श्रेष्ठले त्यसमाथि खुट्टा राखेर अपमान गरेको भन्दै आलोचना बढेपछि उनले शनिवार आफ्नो इन्टाग्राममा कुर्सी पुच्छै ढोगेको, माफी माग्दै उठबस गरेको भिडियो सार्वजनिक गरिन्।

भिडियोसँगै उनले कुर्सीसँग व्यक्तिगत रूपमा माफी मागेको र कसैलाई पनि अपमान गर्ने नियत नभएको भन्दै फोटोको लागि पोज दिन कुर्सीमा केही सेकेन्डको लागि मात्र खुट्टा राखेको प्रस्टीकरण लेखेकी छिन्। 

मंसिर १२, २०८२ शुक्रबार २१:५७:२१ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।