प्रेमीको विवादमा अभिनेत्री साम्राज्ञी भन्छिन् "उसले बिहे गरेको छैन, प्रेमिकाबाट छोरा छ"

काठमाडौं : अभिनेत्री साम्रागी शाहले आफूले इन्गेजमेन्ट गरेको  एक्टर तथा मोडल विशाल खरेलको बचाउ गर्दै उनको एक छोरा रहेको तर विवाह नभएको दाबी गरेकी छिन्। इन्टाग्राममा लेख्दै उनले विशालको विवाह नभएको तर पूर्व प्रेमिकातिर एक सन्तान रहेको बताएकी हुन्।

विवाह नै नगरेकाले सम्बन्धविच्छेद भएको भन्नु गलत रहेको र विशाले पूर्व प्रेमिकाबारे आफूलाई सबै जानकारी दिएको उनले लेखेकी छिन्।

"उसको लामो समयदेखिको पूर्व प्रेमिकासँग छोरा छ, तिनीहरू कहिल्यै विवाहित थिएनन्, त्यसैले कहिले र कसरी सम्बन्ध विच्छेद भयो?" उनले लेखेकी छिन्। 

उनले प्रमाणविना आफूले इन्गेजमेन्ट गरेको विशालमाथि आरोप लगाउने काम भएको र उनको पूर्व प्रेमिकाले ब्ल्याकमेल गरिरहेको दाबी समेत गरेकी छिन्।

साम्राज्ञीले आफ्नो इन्स्टाग्राममा आफ्नो इन्गेजमेन्टको तस्बिर सार्वजनिक गरेपछि विशाल विवाहित रहेको भन्दै एक महिलासँगको तस्बिर सार्वजनिक भएको थियो। पछि उनी एक सन्तानको बाउ समेत रहेको खुल्यो। यसबारे विशालको पूर्व प्रेमिकाले भिडियो सार्वजनिक गर्दै विशालले आफूसँग सम्बन्ध रहँदारहँदै साम्राज्ञीसँग बेड सेयर गरेर धोका दिएको खुलेपछि सम्बन्ध तोडेको बताएकी थिइन्।