बिहेलाई लिएर निकै नर्भस छिन् अभिनेत्री पूजा

काठमाडौं : अविवाहित सेलिब्रेटीहरुलाई पत्रकारहरूले बिहेको कुरा सोधेर हैरान बनाउँछन्। यसमा सबैभन्दा धेरै जवाफ दिनेमै पर्छिन् अभिनेत्री पूजा शर्मा। अब भने उनले यो प्रश्नबाट मुक्ति पाउँदै छिन् मंसिर २० मा। प्रेमी युद्ध बानियाँसँग उनको विवाहको मिति पक्का भएको छ। अहिले उनी बिहेको तयारीमा जुटेकी छन्।

भक्तपुरको साँगामा रहेको होटेल फर्च्युनमा दुवै पक्षका सीमित पारिवारिक सदस्य र फिल्मकर्मीको उपस्थितिमा उनको विवाह हुने भएको छ।

अब अर्को प्रश्न थपिएको छ, विवाहका लागि कत्तीको उत्साहित छिन्? उनले उत्साहित भन्दा पनि नभर्स रहेको बताउन थालेकी छिन्।

उनी भन्छिन्,‘बिहेको कुराले उत्साहित भन्दा पनि नर्भस भएको छु। सामान किनमेलमा लागेको छु।’

पूजा र युद्धले केही वर्षअघिबाट संयुक्त रूपमा ललितपुरको झम्सिखेलमा ‘ट्याग’ नामक रेस्टुरेन्ट सञ्चालन गर्दै आएका छन्। युद्धले रेस्टुरेन्ट समाल्दा पूजा भने  फिल्म निर्माण तथा अभिनयमा व्यस्त थिइन्।

पूजाले पछिल्लो समय फिल्म ‘३६ को आँकडा’मा अभिनय गरेकी छन् भने ‘एक्का तीन’को छायांकनको समेत तयारीमा छिन्। सायद अब उनको यो फिल्म बिहेपछि नै फ्लोरमा जानेछ।