बिहीबार ११ मंसिर, २०८२
आजको मौसम : चार प्रदेशमा आंशिक बदली, अन्यत्र मुख्यतया सफा
२ घण्टा अघि
काठमाडौं : जल तथा मौसम विज्ञान विभाग, मौसम पूर्वानुमान महाशाखाले आज बिहान ८ बजेको मौसम विवरण सार्वजनिक गरेको छ।
महाशाखाका अनुसार हाल नेपालमा कुनै उल्लेखनीय मौसम प्रणालीको प्रभाव रहेको छैन।
आज दिउँसो कोशी प्रदेश, मधेश प्रदेश, बागमती प्रदेश र गण्डकी प्रदेशमा आंशिक बदली रहने पूर्वानुमान गरिएको छ।
यी प्रदेशहरूमा आकाशमा थोरै बादल देखिए पनि बाँकी भू-भागमा भने मौसम मुख्यतया सफा रहने महाशाखाले जनाएको छ।
आज राति कोशी प्रदेशको पहाडी तथा हिमाली भू-भागमा आंशिक बदली रहनेछ भने देशका बाँकी भू-भागमा मौसम मुख्यतया सफा रहनेछ।
उल्लेखनीय मौसमी प्रणाली सक्रिय नभएकाले आज वर्षा वा हिमपातको कुनै विशेष सम्भावना देखिँदैन।
मंसिर ११, २०८२ बिहीबार ०८:०४:५३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
