एनपीएलको लाइभ अब ‘डिसहोम गो’मा

काठमाडौं : नेपाल प्रिमियर लिग (एनपीएल)को दोस्रो सिजन ओटीटी प्लेटफर्म डिसहोम गो एपबाट प्रसारण भइरहेको छ। कीर्तिपुरस्थित त्रिवि अन्तरराष्ट्रिय क्रिकेट मैदानमा आजदेखि एनपीएल सुरु भएको छ।

डिसहोम गोले बिना विज्ञापन ​एनपीएलका खेलहरु प्रत्यक्ष प्रसारण गरिरहेको छ। डिसहोम गोमा खेलहरु हेर्न शुल्क तिर्न पर्छ। एनपीएलका सबै खेल हेर्न नेपालमा तीन सय, मध्यपूर्वमा पाँच सय र अन्य सबै देशमा १० अमेरिकी डलर शुल्क तोकिएको डिसहोम गोले जनाएको छ। ईसेवा, खल्ती, भिजा र मास्टर कार्डमार्फत शुल्क तिर्न सकिने व्यवस्था गरिएको छ।

एक पटक सक्रिप्शन लिएपछि दर्शकले सम्पूर्ण प्रतियोगिता भरि डिसहोम गोमा लाइभ स्ट्रीम र पुनःप्रसारण तथा अन्य सामग्री हेर्न सकिने जनाइएको छ। देश-विदेश रहेका सबै दर्शक डिसहोम गोमार्फत मोबाइल, ल्यापटप वा टिभीमा खेलहरू हेर्न सक्छन्। यस पटक एनपीएलका खेलहरू युट्युबमा प्रसारणको अनुमति छैन। डिसहोम गो एप गुगल प्ले स्टोर र आईओएसको एप स्टोरमा उपलब्ध छ।

मंसिर १, २०८२ सोमबार २१:१३:४६ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।