अन्तिम खेल एमबाप्पे चम्किएपछि विश्वकप पुग्यो फ्रान्स, युक्रेन ४-० ले पराजित

एजेन्सी : स्टार खेलाडी किलियन एमबाप्पेको दुई गोल मद्दतमा फ्रान्सले युरो २०२४ छनोट खेलमा युक्रेनमाथि ४-० को प्रभावशाली जित निकालेको छ। यो जितसँगै फ्रान्सले छनोटको शीर्ष स्थानमा आफ्नो पकड थप बलियो बनाएको छ।

बिहीबार राति भएको खेलको पहिलो हाफ गोलरहित बराबरीमा सकिएको थियो। तर, दोस्रो हाफमा उत्कृष्ट पुनरागमन गर्दै फ्रान्सले एकपक्षीय नतिजा निकाल्यो।

खेलको ५५ औं मिनेटमा माइकल ओलिसेलाई बक्सभित्र लडाएपछि प्राप्त पेनाल्टीमा एमबाप्पेले गोल गर्दै फ्रान्सलाई अग्रता दिलाए। त्यसको २१ मिनेटपछि, ७६ औं मिनेटमा ओलिसे आफैंले गोल गर्दै फ्रान्सको अग्रता दोब्बर पारे।

खेलको ८३ औं मिनेटमा एमबाप्पेले व्यक्तिगत दोस्रो गोल गरे। यो गोलसँगै उनले आफ्नो व्यावसायिक करियरको ४०० औं गोल पूरा गर्ने महत्त्वपूर्ण कोशेढुङ्गा पार गरेका छन्।

फ्रान्सका लागि उनको यो ५५ औं गोल हो र उनी सर्वाधिक गोलकर्ता ओलिभियर जिरु (५७ गोल) को कीर्तिमानभन्दा मात्र दुई गोलले पछि छन्।

खेलको अन्तिम मिनेटमा एमबाप्पेको सुन्दर पासमा ह्युगो एकिटिकेले गोल गर्दै फ्रान्सका लागि आफ्नो डेब्यु गोल गरे। यो जितपछि यूईएफए युरो छनोटको समूह 'डी' को शीर्ष स्थानमा रहेको फ्रान्सको १३ अंक भएको छ।

कात्तिक २८, २०८२ शुक्रबार ०८:२१:३२ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।