कञ्चनपुरमा बस दुर्घटना, एक जनाको मृत्यु
२ हप्ता अघि
दोधारा चाँदनी : काठमाडौंबाट महेन्द्रनगरतर्फ आइरहेको यात्रुवाहक बस आज बिहान यहाँ दुर्घटना हुँदा एक जनाको मृत्यु भएको छ।
जिल्ला प्रहरी कार्यालयका अनुसार ना७ख ६१८२ नम्बरको बस कञ्चनपुरको कृष्णपुर नगरपालिका-२ वाणीस्थित पूर्व-पश्चिम राजमार्गमा दुर्घटना हुँदा कृष्णपुर नगरपालिका१ बण्ड का ४२ वर्षीय बलबहादुर बोहराको मृत्यु भएको हो।
दुर्घटनामा परी घाइते भएका बोहराको उपचारका क्रममा वाणी अस्पतालमा मृत्यु भएको हो। बसमा पाँच जना मात्र सवार थिए। बसका चालकलाई प्रहरीले नियन्त्रणमा लिएको छ।
कात्तिक १५, २०८२ शनिबार १२:४४:५३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
