बसको ठक्करबाट महिलाको मृत्यु

४ वर्ष अघि

सप्तरीः जिल्लाकाे खडक नगरपालिका–७ कल्याणपुर चोकमा बसले ठक्कर दिँदा एक महिलाकाे मृत्यु भएकाे छ। पूर्व–पश्चिम राजमार्गस्थित कल्याणपुर चोकमा पूर्वबाट पश्चिमतर्फ जाँदै गरेको को१ख ७७८४ नंको बसले ठक्कर दिँदा पैदलयात्री ४५ वर्षीया ठण्डेश्वरी भगतको मृत्यु भएको प्रहरीले जनाएको छ।

घाइते भगतलाई उपचारका लागि रुपनीस्थित युनिक अस्पताल भर्ना गरिएकाे थियाे। उपचारकाे क्रममा उनकाे मृत्यु भएको हाे। हाल शव परीक्षणका लागि गजेन्द्रनारायण सिंह अस्पताल राजविराजको शवगृहमा राखिएको छ।

शवको आज परीक्षण गरी परिवारका सदस्यलाई जिम्मा लगाइने जिल्ला प्रहरी कार्यालयका प्रहरी नायब उपरीक्षक माधवप्रसाद काफ्लेले बताए। बस र चालक मोरङ धनपालथान गाउँपालिका–३ का ३२ वर्षीय विनोद राजवंशीलाई प्रहरीले नियन्त्रणमा लिएको छ।