सांसद् कारबाहीसम्बन्धी एमाले अध्यक्ष ओलीको मुद्दा ‘हेर्दाहेर्दै’ मा
४ वर्ष अघि
साे मुद्दाकाे सुनुवाइ जारी रहेका कारण मङ्गलबारका लागि पेशी तोकिएको सर्वाेच्च अदालत प्रशासनले जनाएकाे छ। न्यायाधीश दीपककुमार कार्की र डा कुमार चुडालको संयुक्त इजलासमा आज सुनुवाइ भएर नसकिएपछि भोलिका लागि हेर्दादेर्हैमा राखिएको हो।
अध्यक्ष ओलीले पार्टीले कारबाही सिफारिस गरेका १४ सांसद, सभामुख अग्निप्रसाद सापकोटा, निर्वाचन आयोग र लुम्बिनी प्रदेशका सभामुख पूर्णबहादुर घर्तीलाई विपक्षी बनाएर दायर गरेको रिटमाथिको सुनुवाइ हाल जारी छ।
एमालले १४ जना आफ्ना दलका प्रतिनिधि सभा सदस्यलाई गत साउन २५ को निर्णयले निष्काशन गरेको र कार्यान्वयका लागि सङ्घीय संसद् सचिवालयमा गत भदौ १ गते सूचना तथा निर्णय दर्ता गराइएकाेमा कानुन बमोजिम गर्नुपर्ने कार्य नगरेको रिट निवेदनमा उल्लेख छ।
असोज ४, २०७८ सोमबार १८:३३:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
