सांसद पदमा पुनर्बहालीको माग गर्दै चार पूर्वमाओवादी नेताले गरे सर्वोच्चमा रिट दायर
सांसदबाट पदमुक्त भएको तीन महिनापछि पूर्वमाओवादी नेताहरू टोपबहादुर रायमाझी, लेखराज भट्ट, प्रभु साह र गौरीशंकर चौधरीले आफूहरूलाई सांसद पदमा पुनर्बहालीको माग गर्दै आज (बुधबार) सर्वोच्चमा रिट दर्ता गरेका हुन्।
गत फागुन २३ गते सर्वोच्च अदालतले नेकपा विघटन गरी एमाले र माओवादी केन्द्र व्युँताउने फैसला गरेपछि उनीहरू माओवादी केन्द्र छाडेर एमाले प्रवेश गरेका थिए।
त्यसपछि माओवादी केन्द्रले उनीहरूलाई कारबाही गरेको थियो, जसअनुसार उनीहरूको पद गुमेको थियो।
आफूहरू एमाले र माओवादी केन्द्र गरी दुवै दलका मतदाताको मतले विजयी भएकाले जनताको प्रतिनिधित्व गर्न पाउने अधिकार कुण्ठित गर्न नपाउने उनीहरूको भनाइ छ।
साउन १३, २०७८ बुधबार १५:४७:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
