देशभरको मौसम बदली

४ वर्ष अघि

काठमाडौँ : देशभरको मौसम बदली भएको छ। स्थानीय र पश्चिमी वायुको प्रभावका कारण देशभरको मौसम बदली भएको जल तथा मौसम विज्ञान विभागले जनाएको छ।

विभागका अनुसार देशभर आंशिक देखि सामान्य बदली रही सुदूर पश्चिम प्रदेश, कर्णाली प्रदेश, गण्डकी प्रदेश र लुम्बिनी प्रदेशका धेरै र बाँकी प्रदेशहरूका थोरै स्थानमा मेघगर्जन, चट्याङ्ग र हावाहुरी सहित क्षणिक वर्षाको सम्भावना रहेको छ।

देशका धेरै स्थानमा तुवाँलो लागेको विभागले जनाएको छ।

अहिले काठमाडौँ उपत्यका र पश्चिमी क्षेत्रमा हल्का वर्षा भएको मौसमविद् समीर श्रेष्ठले जानकारी दिए। पर्सिसम्म नै देशभरको मौसम बदली हुने र पानी पर्ने अनुमान विभागले गरेको उनले बताए।