भैंसेपाटीमा सामसङ प्लाजाको नयाँ शोरूम
काठमाडौं : सामसङ प्लाजाले ललितपुरको भैंसेपाटीमा आफ्नो १४औँ नयाँ शोरूम सञ्चालनमा ल्याएको छ। सोमबार नयाँ शोरूमको भव्य उद्घाटन सम्पन्न भएको हो।
उद्घाटन सामसङ नेपालका प्रबन्ध निर्देशक इनसु किम र गोल्छा समूहका प्रबन्ध निर्देशक शेखर ज्यु गोल्छाले संयुक्त रूपमा गरे। कम्पनीका अनुसार यो विस्तारले सामसङ प्लाजाको नवीनता, गुणस्तर र ग्राहक सन्तुष्टिलाई निरन्तरता दिने यात्रामा नयाँ उपलब्धि थपेको छ।
भैंसेपाटीस्थित शोरूममार्फत ग्राहकले सामसङका नवीनतम स्मार्टफोन, टेलिभिजन, घरायसी उपकरणदेखि अन्य अभिनव इलेक्ट्रोनिक उत्पादन खरिद गर्न सक्नेछन्। यस विस्तारसँगै सामसङले विश्वस्तरीय प्रविधि र उत्कृष्ट सेवा अझ नजिक पुर्याउने प्रतिबद्धता दोहोर्याएको छ।
उद्घाटन समारोहमा बोल्दै सामसङ प्लाजाका प्रतिनिधिले भने, “भैंसेपाटीमा नयाँ शोरूम खोल्न पाउँदा अत्यन्त खुशी छौँ। यस क्षेत्रको जीवन्तता र विकासलाई ध्यानमा राख्दै हामीले ग्राहकलाई अझ सजिलो पहुँच र उन्नत प्रविधिको अनुभव दिलाउने उद्देश्य लिएका छौँ।”
नयाँ शोरूम भ्रमण गर्ने ग्राहकले विशेष अफर, आधुनिक खरिद वातावरण र तालिमप्राप्त कर्मचारीको विशेषज्ञ मार्गदर्शन प्राप्त गर्नेछन्।
सामसङ प्लाजाले भैंसेपाटीका स्थानीय र वरपरका उपभोक्तालाई विश्वस्तरीय उत्पादन अनुभवका लागि स्वागत गरेको छ।
असोज ६, २०८२ सोमबार १९:५०:२० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
