प्रधानमन्त्री ओलीसँगै उभिएको तस्बिर राखेर मोदीले भने 'नेपालसँगको सम्बन्ध विशेष'
काठमाडौं : चीन भ्रमणमा रहेका प्रधानमन्त्री केपी शर्मा ओली र भारतीय प्रधानमन्त्री नरेन्द्र मोदीबीच भेट भएको छ। दुबैबीच सोमबार दिउँसो तियान्जिनमा भेट भएको हो।
भारतीय प्रधानमन्त्री मोदीले प्रधानमन्त्री ओलीसँग उभिएर कुरा गरेको तस्बिर सार्वजनिक गर्दै नेपालसँग भारतको सम्बन्ध गहिरो र विशेष रहेको लेखेका छन्।
‘भारतको नेपालसँगको सम्बन्ध गहिरो र विशेष छ। तियान्जिनमा नेपालका प्रधानमन्त्री केपी ओलीज्यूलाई भेट्न पाउँदा खुसी लाग्यो’ उनले लेखेका छन्।
चीनमा ओली र मोदीबीच भेटवार्ता हुने बताइएको छ। तर समय भने तय भइसकेको छैन। प्रधानमन्त्री ओली र चीनका राष्ट्रपतिबिच भने शनिवार भेट भइसकेको छ।
भदौ १५, २०८२ आइतबार २०:५७:४८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
