चीनको धान उत्पादन विशेष क्षेत्र अवलोकन गर्न पुगे प्रधानमन्त्री ओली
काठमाडौं : शाङ्घाई सहयोग सङ्गठन (एससिओ)को शिखर सम्मेलनमा सहभागी हुन चीन गएका प्रधानमन्त्री केपी शर्मा ओलीले हुवइगाउँस्थित धान उत्पादन क्षेत्र अवलोकन गरेका छन्।
प्रधानमन्त्री ओलीले जेडी ९३९ धानको बीउ उत्पादनसँगै कृषि, पर्यटन र शिक्षामा जोड दिइएको नमूना कार्यबारे जानकारी लिए।
उनले आजै नानकाइ जिल्लास्थित चाउ एनलाई र तेङ यिङ्चाओ स्मृति सङ्ग्रहालयको समेत अवलोकन गरे। चिनियाँ क्रान्तिका नेता चाउ एनलाई चीनका पूर्वप्रधानमन्त्री हुन्।
अवलोकनमा प्रथम महिला राधिका शाक्य, पूर्वउपप्रधानमन्त्री पूर्णबहादुर खड्का, शिक्षा, विज्ञान तथा प्रविधिमन्त्री रघुजी पन्त, संस्कृति, पर्यटन तथा नागरिक उड्डयनमन्त्री बद्रीप्रसाद पाण्डे, पूर्वमन्त्री एवं प्रधानमन्त्रीका आर्थिक सल्लाहकार डा. युवराज खतिवडा, पूर्वमन्त्री छविलाल विश्वकर्मा, परराष्ट्र मन्त्रालयका सचिव अमृतबहादुर राई, चीनका लागि नेपाली राजदूत डा. कृष्णप्रसाद ओली, नेपालका लागि चीनका राजदूत छन सहित अन्य उच्चपदस्थ अधिकारीहरू सहभागी थिए।
भदौ १५, २०८२ आइतबार ११:५१:१२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
