फुमथम वेचायाचाईलाई बनाइयो थाइल्याण्डको कार्यवाहक प्रधानमन्त्री

एजेन्सी : थाइल्याण्डको मन्त्रिपरिषद्ले उपप्रधानमन्त्री फुमथम वेचायाचाईलाई कार्यवाहक प्रधानमन्त्रीको रूपमा नियुक्त गरेको छ। यो निर्णय सर्वोच्च अदालतको आदेशपछि गरिएको हो।

प्रधानमन्त्री कार्यालयका मन्त्री चुसक सिरिनिलले शनिबार बसेको विशेष मन्त्रिपरिषद् बैठकमा वेचायाचाईलाई कार्यवाहक प्रधानमन्त्रीको रूपमा जिम्मेवारी दिएको घोषणा गरे। सो बैठकमै प्रमिन लेर्टसुरीलाई प्रधानमन्त्रीको सचिवालय प्रमुखमा नियुक्त गरिएको छ।

मन्त्री चुसकका अनुसार संक्रमणकालीन अवधिमा सरकारलाई स्थिर राख्न मन्त्रिपरिषद्ले विशेष कार्यढाँचा स्वीकृत गरेको छ। अदालतको निर्णयअनुसार नयाँ प्रशासन गठन नभएसम्म हालको मन्त्रिपरिषद्ले कार्यवाहक सरकारका रूपमा काम गर्नेछ।

यसैबीच संसद सचिवालयले सेप्टेम्बर ३ देखि ५ सम्म संसद बैठक आह्वान गरेको छ।

संवैधानिक अदालतले शुक्रबार थाई प्रधानमन्त्री पेटोङटार्न सिनावात्रालाई पदबाट बर्खास्त गरेको थियो। अदालतले कम्बोडियाका सेन सदस्यसँग गरेको फोन कललाई नैतिकता र संवैधानिक नियम उल्लङ्घन ठहर गर्दै यो निर्णय गरेको हो।

भदौ १४, २०८२ शनिबार १७:५७:४५ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।