सुनको मूल्य अहिलेसम्मकै उच्च, प्रतितोला २ लाख नाघ्यो

सुनको मूल्य अहिलेसम्मकै उच्च, प्रतितोला २ लाख नाघ्यो

काठमाडौं : नेपाली बजारमा शुक्रबार सुनको मूल्यले ऐतिहासिक कीर्तिमान कायम गरेको छ।

नेपाल सुनचाँदी व्यवसायी महासंघका अनुसार, छापावाल सुनको मूल्य प्रतितोला २ लाख ६ सय रुपैयाँ पुगेको छ, जुन नेपाली बजारमा हालसम्मकै उच्च हो।

महासंघका अनुसार, अघिल्लो दिन (बिहीबार) को तुलनामा आज सुनको भाउ एकैदिन १२ सय रुपैयाँले बढेको हो।

यससँगै सुनले करिब तीन साताअघि, साउन २३ गते बनेको १ लाख ९९ हजार ४ सय रुपैयाँ को कीर्तिमान तोडेको छ।

यस्तै, शुक्रबार चाँदीको मूल्यले पनि नयाँ उचाइ छोएको छ।

प्रतितोला ५ रुपैयाँले बढ्दै चाँदीको मूल्य दुई हजार ३६० रुपैयाँ कायम भएको छ। अघिल्लो दिन चाँदी प्रतितोला दुई हजार ३५५ रुपैयाँमा कारोबार भएको थियो।

अन्तर्राष्ट्रिय बजारमा सुनको मूल्यमा आएको उतारचढावकै कारण नेपाली बजारमा पनि यसको प्रभाव परेको महासंघले जनाएको छ।

भदौ १३, २०८२ शुक्रबार ११:१२:०८ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।