टीभीएसले ल्यायो दशैं योजना : १ लाखसम्म नगद छुट र विशेष सुविधा

काठमाडौं : टीभीएस दुईपाङ्ग्रे सवारीसाधनको आधिकारिक वितरक जगदम्बा मोटर्सले ‘बाँड्दै हर्ष, बढाउँदै सम्बन्ध’ नारासहित दशैं योजना सार्वजनिक गरेको छ।

योजनाअन्तर्गत टीभीएसका कुनै पनि मोटरसाइकल वा स्कुटरको खरिदमा ग्राहकले १ लाख रुपैयाँसम्मको नगद छुट पाउनेछन्।

यसका साथै, १ हजार जना भाग्यशाली ग्राहकले ८ हजार रुपैयाँ बराबरको सपिङ भाउचर पनि प्राप्त गर्नेछन्।

कम्पनीले नागरिकता र सवारी चालक अनुमतिपत्रका आधारमा सहज फाइनान्स सुविधा उपलब्ध गराएको छ।

पुरानो सवारीसाधन साट्न चाहने ग्राहकका लागि बजार मूल्यमा थप १० हजार रुपैयाँ मूल्याङ्कन दिने एक्सचेन्ज अफर पनि ल्याइएको छ।

दशैंलाई लक्षित गरी कम्पनीले नयाँ रङका सवारीसाधनहरू पनि बजारमा ल्याएको छ।

साथै, ‘राइड ब्याक होम’ नामक विशेष सामुदायिक यात्रा पनि आयोजना गरिने कम्पनीले जनाएको छ।

टीभीएसले आफ्ना उत्पादनमा लाइफटाइम वारेन्टी र काठमाडौं उपत्यकाभित्र ६० मिनेटमा स्पेयर पार्ट्स डेलिभरीको सुविधा दिँदै आएको छ।

भदौ १३, २०८२ शुक्रबार ०८:००:३६ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।