साफ यु-१७ महिला च्याम्पियनसिप: प्रतिष्ठाका लागि भारतसँग भिड्दै नेपाल
काठमाडौं : साफ यु-१७ महिला च्याम्पियनसिपअन्तर्गत नेपालले आज आफ्नो पाँचौं खेलमा बलियो प्रतिद्वन्द्वी भारतको सामना गर्दैछ।
उपाधि होडबाट बाहिरिसकेको नेपालका लागि यो खेल प्रतिष्ठाको लडाइँ मात्र हुनेछ। अखिल नेपाल फुटबल सङ्घ (एन्फा)का अनुसार खेल नेपाली समयअनुसार साँझ ६:०० बजे सुरू हुनेछ।
डबल राउन्ड रोबिन लिग प्रणालीमा सञ्चालित यस प्रतियोगितामा नेपाल, भारत, बङ्गलादेश र भुटान गरी चार राष्ट्र सहभागी छन्।
हालसम्मको प्रदर्शनका आधारमा भारत १२ अङ्कसहित शीर्ष स्थानमा छ भने ९ अङ्क जोडेको बङ्गलादेश दोस्रो स्थानमा छ। नेपाल ३ अङ्कका साथ तेस्रो स्थानमा रहँदा घरेलु टोली भुटान जितविहीन रहँदै तालिकाको पुच्छारमा छ।
नेपालले आफ्नो अन्तिम लिग खेल यही भदौ १५ गते भुटानविरुद्ध खेल्नेछ।
भदौ १३, २०८२ शुक्रबार ०७:४५:४० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
