ओप्पोले नेपालमा सार्वजनिक गर्यो विश्वकै पातलो फोल्डेबल फोन ‘फाइन्ड एन३’
काठमाडौं : स्मार्ट उपकरण ब्रान्ड ओप्पोले नेपालमा आफ्नो नयाँ फ्ल्यागशिप फोल्डेबल स्मार्टफोन ‘ओप्पो फाइन्ड एन३’ सार्वजनिक गरेको छ।
विश्वकै सबैभन्दा पातलो र हल्का बुक-स्टाइल फोल्डेबल फोनको रूपमा प्रस्तुत गरिएको यो फोनमा आकर्षक डिजाइन, लामो ब्याट्री आयु र शक्तिशाली क्यामेरा प्रणाली जस्ता विशेषताहरू छन्।
यो फोन केवल ५.८ मि.मि. पातलो र २३९ ग्राम तौलको छ। यसमा ७.८२ इन्चको भित्री डिस्प्ले र ६.३१ इन्चको बाहिरी डिस्प्ले छ, जुन आफ्नो श्रेणीमा सबैभन्दा ठूला स्क्रिन हुन्।
फोनलाई टिकाउ बनाउन टाइटेनियम फ्लेक्सन हिन्ज प्रयोग गरिएको छ भने यो आईपीएक्सफोर वाटर रेसिस्टेन्स रेटिङ प्राप्त गर्ने पहिलो फोल्डेबल फोन हो।
स्न्यापड्रागन ८ जेन २ मोबाइल प्लेटफर्ममा आधारित यस फोनले उत्कृष्ट कार्यसम्पादनको अनुभव दिन्छ। यसमा ४८०५ एमएएच क्षमताको शक्तिशाली ब्याट्री र ६७ वाटको सुपरभोक फास्ट चार्जिङ सुविधा छ।
फोटो र भिडियोका लागि यसमा पहिलो पटक ह्यासेलब्लाड मास्टर क्यामेरा प्रणाली राखिएको छ। कलरओएसमा आधारित यो फोनमा ‘बाउन्डलेस भ्यू’ र ‘स्प्लिट-स्क्रिन’ जस्ता मल्टिटास्किङ सुविधाहरू पनि उपलब्ध छन्।
‘ओप्पो फाइन्ड एन३’ को १६ जीबी र्याम र ५१२ जीबी स्टोरेज भेरियन्टको मूल्य रु. २,४९,९९९ तोकिएको छ। कम्पनीले ग्राहकहरूका लागि शून्य प्रतिशत ब्याजदरमा १२ महिनाको किस्ताबन्दीको सुविधा पनि प्रदान गरेको छ।
भदौ १०, २०८२ मंगलबार १९:४०:३८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
