भारतसँगको पाचौं टेस्टमा इङ्गल्यान्डका कप्तान परिवर्तन, ओभलमा ठिक छैन भारतको रेकर्ड

एजेन्सी : भारत र इङ्ग्ल्याण्डबीचको एन्डरसन-तेंडुलकर ट्रफीको पाँचौं तथा अन्तिम टेस्ट म्याच आजदेखि लन्डनको ओभल स्टेडियममा खेलिनेछ।

५ टेस्ट म्याचको सिरिजमा भारत १-२ ले पछाडि छ। यो म्याच दुवै टोलीका लागि महत्त्वपूर्ण छ। भारतले जितेर सिरिज २-२ को बराबरी गर्न चाहन्छ भने इङ्ग्ल्याण्ड टोलीले ओभल टेस्ट जितेर सिरिज जित्न चाहन्छ।

पहिलो खेलमा इङ्ल्यान्डले ५ विकेट र तेस्रो खेलमा २२ रनले जित हासिल गरेको थियो। दोस्रो टेस्ट भारतले ३३६ रनले जितेको थियो। चौथो खेल बराबरीमा सकिएको थियो।

पाँचौं टेस्टको एक दिन अघि बुधबार इङ्ल्यान्डले आफ्नो प्लेइङ ११ जारी गरेको थियो। टोलीमा चार परिवर्तन गरिएको थियो। टोलीका कप्तान बेन स्टोक्स चोटका कारण बाहिर छन्। उनको स्थानमा ओली पोपले कप्तानी गर्नेछन्।

खेल नेपाली समयअनुसार दिउँसो ३:४५ मा सुरू हुनेछ।

भारतले आफ्नो पहिलो टेस्ट १९३६ मा लन्डनको ओभल स्टेडियममा खेलेको थियो, जब टोली ९ विकेटले हारेको थियो। यस मैदानमा पहिलो टेस्ट जित्न टोलीलाई ३५ वर्ष लाग्यो। १९७१ मा अजित वाडेकरको कप्तानीमा भारतले इङ्गल्याण्डलाई ४ विकेटले पराजित गरेको थियो।

२०२१ मा विराट कोहलीको कप्तानीमा टोलीले यस मैदानमा फेरि दोस्रो जित हासिल गरेको थियो। उनले टोलीलाई १५७ रनको जित दिलाए। यस मैदानमा भारतले इङ्गल्याण्ड विरुद्ध १४ टेस्ट खेलेको थियो, जसमा २ जित र ५ हार भएको थियो। यस अवधिमा ७ खेल पनि बराबरी भएका थिए।

भारतले अन्तिम पटक २०२३ मा अष्ट्रेलिया विरुद्ध ओभलमा टेस्ट खेलेको थियो। यो विश्व टेस्ट च्याम्पियनसिपको फाइनल थियो, जुन भारतले २०९ रनले हारेको थियो।

भारतीय टोलीले सन् १९३२ मा इङ्गल्याण्डमा आफ्नो यात्रा सुरू गरेको थियो। त्यसबेलादेखि दुई टोलीबीच १४० टेस्ट खेलिएको छ। यसमध्ये इङ्गल्याण्डले ५३ खेल जितेको छ भने टोली भारतले ३६ खेल जितेको छ। साथै, ५१ टेस्ट बराबरी भएको छ।

भारतले इङ्गल्याण्डमा ७१ टेस्ट खेलेको छ। केवल १० खेल जितेको छ, तर टोलीले यहाँ २३ टेस्ट बराबरी पनि गरेको छ। इङ्गल्याण्डले ३८ खेल जितेको छ।

अहिलेसम्म दुई टोलीबीच ३६ टेस्ट सिरिज खेलिएको छ। जसमध्ये इङ्ल्यान्डले १९ र भारतले १२ जितेको छ। जबकी ५ सिरिज बराबरी भएको छ। १९३२ देखि २०२५ सम्मको ९४ वर्षमा, टोली भारतले इङ्ल्यान्डमा १९ टेस्ट सिरिज खेलेको छ। जसमध्ये भारतले ३ जितेको छ भने २ बराबरी भएको छ।

साउन १५, २०८२ बिहीबार ०९:१९:३१ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।